Президент Алмазбек Атамбаев улуттук коопсуздук Мамлекеттик комитетинин төрагасы Бусурманкул Табалдиевди кабыл алды (фото)


img_fon

Бүгүн, 2015-жылдын 18-июлунда, Кыргыз Республикасынын Президенти Алмазбек Атамбаев улуттук коопсуздук Мамлекеттик комитетинин төрагасы Бусурманкул Табалдиевди кабыл алды.

Жолугушууда мамлекет Башчысы улуттук коопсуздук комитетинин күндөлүк иштери, ошондой эле учурдагы кырдаал жөнүндө маалымат алды.
 


 
Сүрөт автордуку

 
Бусурманкул Таабалдиев 2015-жылдын 16-июлунда Бишкек шаарында УКМКнын атайын багыттагы бөлүгү тарабынан ишке ашырылган эл аралык террордук уюмдардын жоочуларын жок кылуу боюнча контртеррористтик операция жөнүндө айтып берди. «Атайын операциянын жүрүшүндө 4 жоочу жок кылынып, 7 террорчу кармалды, тергөө иштери жүрүп жатат. УКМКнын 4 кызматкерлери жараат алышты, азыр алардын ден соолугу канааттандырарлык абалда. Көп сандагы курал жана ок-дарылар тартылып алынды», — деп билдирди Бусурманкул Табалдиев.

Президент Алмазбек Атамбаев атайын операцияга катышкан УКМКнын атайын бөлүгүнүн жоокерлерин мамлекеттик сыйлыкка көрсөтүүнү, ошондой эле жарадар болгондорду зарыл болгон дары-дармектер менен камсыз кылып, аларды медициналык тейлөөнү өзгөчө көзөмөлгө алууну тапшырды. Бул максаттарга мамлекет Башчысы акча каражаттарын бөлдү.

Мамлекет Башчысы террорчулук жана экстремизм менен күрөшүү, өлкөгө жана анын жарандарына каршы багытталган ушул сыяктуу кылмыштардын бетин ачып, тамырын кыркуу боюнча УКМКнын ишмердигин мындан ары да күчөтүүнүн зарылдыгын баса белгиледи.

Кыргыз Республикасынын Президентинин Аппаратынын маалыматтык саясат бөлүмү


Если Вам понравилась данная статья - поделитесь с Вашими друзьями и товарищами в социальных сетях: Нравится




Комментарии:

Добавить комментарий

Ваш e-mail не будет опубликован. Обязательные поля помечены *


3 × четыре =

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>