Мамлекеттик салык кызматы кыргызстандыктарга транспорт, турак жай жана жер салыгын төлөө мөөнөтү жакындап калганын эскертти. Бул тууралуу аталган ведомствонун басма сөз кызматы билдирет.

1-сентябрга чейин жарандар төртүнчү топтогу унаа каражаттарына салык төгүүгө тийиш. 2-сентябрга чейин турак-жай менен квартираларга жана жерге салык төгүү керек.

Жарандар салыкты банктар, почта бөлүмдөрү жана POS-терминалдар, уюлдук тиркемелер, төлөм карталары аркылуу дагы төксө болот.

Салыкты өз алдынча www.sti.gov.kg сайтынан эсептөөгө мүмкүндүк бар.